Sunday, December 9, 2012

සොරී ෆෝ ද inconvinience happend බයි ද ඇබ්සන්ස්

4:11 AM තඩි බොරලු 3 comments

             එක පිට එක තොර‍තෝංචියක් නැතුව ලියාගෙන ලියාගෙන යන්න බ්ලොග් පටන් ගත්තට මෙන්න එකපාරම ගල් රාජධානියට හෙන ගැහුවනෙ. :( ඒ මාස ටිකේ නන් මේක දැක්කම දුකේ බෑ. එක දවසක් මස් පෙත්ත කෑවෙත් නෑ. ශිට්.

                කලින් වැඩකරකර සිටි ආයතනිකමය ගල්වලෙන් අස් වීමෙන් පසු කිසිදු චර්යාවක් නොමැති වීම හේතු කොටගෙන ආරම්භ වූ ගල් රාජධානිය කිසිදු හේතුවකින් තොරව අභාවයට යාමට ලක්කිරීම කිසිසේත් මාගේ පරම අරමුණ නොවිණි. සැප්තැම්බර් අග භාගයේ සිරි ලංකාවේ උසස් මෙව්වා එකක සොප්පෙයා ඉන්ජීර් කෙනෙක් ලෙස පත්වීම ලද නිසා කිසිදු කුණු ගොඩක් මෙහි ගොඩගැසීමට කිසිදු වේලාවක් නොමැති විය. නමුදු කෙප්පයක් නොහලා සිටීම මා හට මාලුවාට වතුර නැත්තාක් මෙන් නිසා නැවත ආවෙමි කරලියට.

                
ඒ නිසා අද ඉඳන් බැක් ‍ටු බ්ලොග්. හරියැ
Read more »

Posted in:

Thursday, September 13, 2012

දොස්තර දියමන්තිගෙන් ආඩම්බරකාර තාත්තා ගැන...

6:42 AM තඩි බොරලු 10 comments

මේක ලියල එව්වෙ අපේ පරණ කතෲ දොස්තර දියමන්ති නංගි.කස්ටිය කියවලම බලන්නකො. මුලින්ම ලේන්සුවක් ලෑස්තිකරගත්තනං හරි. කඳුලු පනියිද දන්නෑ.

ආඩම්බරකාර තාත්තා ගැන...
                                                                 අද දවස..... හරිම මහන්සියි....කෙනෙක්ට සතු‍ටු, ඒ වගේම කෙනෙක්ට දුක හිතුන දවසක්.... ඒත් අද කියල දවසක් උදා වුණේ හුඟාක් දෙනෙකුගෙ හොඳට කියල මම හිතනවා......
                                                                 2011/12/25 රෑ 11.30 විතර අපේ exam එකේ results ආවෙ මගේ, අම්මගෙ, තාත්තගෙ ඇස්වල සතු‍ටු කඳුලු ඇතිකරගෙන.... අවුරුදු ගාණක් තිස්සෙ මැරිල නැහිල කට්ට කාලා target එකට ආවම ඇතිවෙන සතුට ඔය කවුරු කවුරුත් දන්නව ඇතිනෙ... අන්න ඒ කියල නිම කරන්න බැරි සතුටින් අපිව මාස 7ක් තිස්සෙ බලාපොරොත්තු ඇති කරල අන්තිමේදි 2012 ජූලි 22 දා කවුදෝ මන්ද 16 දෙනෙකුයි තව ලොකු මොල තියෙන කට්ටියකගෙයි කෙරුවාවක් නිසා අපි හුඟ දෙනෙක් එක පාරටම අතරමං වුණා....වුණු අසාධාරණේ ගැන ලියන්න ගියොත් පොතක් වුණත් ලියන්න පුලුවන්....හ්ම්ම්ම්ම්..... තේරුමක් නැහැ ඉතිං....
                                                                මහමෙරක් තරමට ගොඩගහගෙන හිටපු බලාපොරොත්තු කන්දරාව එක පාරටම බිඳිල යන එක හිතන තරම් දරාගන්න පුලුවන්කමක් නෑ....ඒක අමතක කරල හිත හදා ගන්නත් හිතන තරම් ලේසි නෑ....ඒකනෙ කියන්නෙ...මේ ඇස් සතුටයි දුකයි දෙකේදිම හරිම අකීකරුයි....මට හොඳට මතකයි මං එදා කොයිතරම් ඇඬුවද කියල...මගේ අම්මට, තාත්තට වගේම තමයි ඔයාටත් හොඳට මතක ඇති.... ඇයි දෙයියනේ ඉතිං මං වෙන මොනා කරන්නද..... මං වගේම අය ඕනෙ තරම් ඉන්න ඇති......
                                                               මාව දොස්තර කෙනෙක් කරන හීනෙ කොයි තරම් ලොකුද කියල දන්නෙ මගෙ අම්මයි තාත්තයි.... Primary  එකේදි ඉස්කොලයක් පෙන්න පෙන්න "මං ශිෂ්‍යත්වෙන් මේකටම තමයි එන්නෙ" කියපු මට, ඒ ඉස්කොලෙටම යන්න පුලුවන් වුණා....ඊට පස්සෙ Colombo Medical Faculty එක දකින දකින සැරයක් ගානෙ "මං කවදහරි Doctor කෙනෙක් වෙනවමයි" කියල හිතුව....ඉතිං ඒක පේන දුරට ඇවිත් හැරිල යන්න වෙන දුක කොයිතරම් නම් අමාරුද....
                                                               මං නම් අඬල දුක පිට කලා කියමු.... ඇස් වලින් නොපෙන්නුවට ඔය හිත හැම මොහොතෙම අඬපු බව මං නොදන්නව නෙවෙයි තාත්තෙ....අම්මගෙ කඳුලු දැක්කම මට ඉන්න අමාරුයි.. ඒත් තාත්තෙ ඔයාගෙ අඬන හිත දැක්කම මට ඊටත් වඩා අමාරුයි....හරි නම් මං දුක් වෙන්න ඕනෙ නෑ...මොකද මං ඔයාලට වැ‍රැද්දක් කරල ඔයාලගෙ හිත රිද්දුව නෙවෙයි...ඒත් ඔයාල ඒ වි‍ඳෙවුවෙ මං වෙනුවෙන්...ඒක මට දරාගන්න අමාරුයි...ජීවිතේ කිසිම දේකින් කඩා නොවැ‍ටුණු මගේ තාත්ත ඔහේ බලාගත්තු අත බලාගෙන ඉඳිද්දි මං කොහොම නම් ඉවසන් ඉන්නද.... හැබැයි මට සමාවෙන්න.... ඔයාලගෙ හිත හදල හදල මං හිනාවෙලා ඔයාලවත් හිනස්සවල කාමරේට ඇවිත් තනියෙම ඇඬුව....බොරු කලාට සමාවෙන්න....
                                                              දොස්තර දියමන්ති කියන නමේ දොස්තර කෑල්ල කොයි මොහොතෙ හැලෙයිද කියල මං හරි බයෙන් හිටියෙ....මෙහෙම දුක් වෙවී ඉඳිද්දි, වෙච්ච අසාධාරණයට සටන් කරල හරි මොනාහරි කරන්න අපේ තාත්තයි තව ඒ වගේම අසරණ වුණු තාත්තල කිහිප දෙනෙකුයි එකතු වුණා....මං වගේම අතරමං වෙච්ච ළමයි ටිකක් එකතු වෙලා අපි දැම්ම නඩුවක්....කවදාවත් ගිහින් නැති උසාවිය පැත්තෙ යන්නත් ඒකෙන් පුලුවන් වුණා....ඒකෙන් අලුත් යාලුවො ටිකකුත් set වුණා... මොන නායකත්ව පුහුණුද...අපිට ඒක ඉබේම ලැබුණ මං හිතන්නෙ...පැය ගණන්, මහ දවාලෙ, අවුවෙ කට්ට කාගෙන හැමෝම එකතු වුණෙ මොකක් හරි හොඳක් කරගන්න.... අපේ අය්යල රෑ නිදිමරාගෙන එක එක documents ජාති හදාගෙන මේකට පුදුම විදියට නැහුණ....හුඟ දවසක් මහන්සි වෙලා වැඩ කලා....ඒකෙ ප්‍රතිඵලේ යම් තරමක් දුරට හරි අද ලැබුණා.... :) 
                                                              නඩුව කාලෙදි එක එක්කෙනාගෙ කතා ගැන නම් කියන්න වටිනව.... ලොකු ලොකු අය කිව්වෙ "අසහනයට පත් වෙච්ච ලමයි" කියල...අනෙ අපි අසහනයට නම් ලක් වුණේ නෑ... අසහනය කියන්නෙ ලෙඩක්නෙ.... අපි පත් වුණේ අසාධාරණයට... ඒක එයාලට දැන්වත් තේරෙනවනම් සතු‍ටුයි.... ඒ අතරෙදි හැම නඩු දවසෙම මොකෝ වුණේ, දැන් කොහොමද තත්ත්වෙ වගෙ දේවල් අහල හරි අපිත් එක්ක හිටපු කට්ටියටත් පිං...මේක මෙහෙම නෙවෙයි මෙහෙමයි වෙන්න ඕනෙ, ඕක ඔහොම කරල හරියන්නෙ නෑ වගේ ගෙදර ඉඳන් තාර්කික ප්‍රකාශන ඉදිරිපත් කරපු අයටත් පිං (ලු) "අපෝ මට නම් දැන් එපා වෙලා, දැන්නම් මොනා ලැබුණත් කමක් නෑ...ඔය නඩු දාල මොනා කරන්නද" වගේ දේවල් කියපු අයට ඊටත් වඩා පිං... මොකද ඒව ඇහෙද්දි මට නම් දුක හිතුනෙ නෑ කියන එකාගෙ හොම්බ තලන්න හිතුණ මිසක්... ඒ වචන පවා අපිට ගෙනාවෙ හයියක්...
                                                               දැන් ඉතිං හරිනෙ... නඩු හොඳයි නරකයි කියපු හැමෝම දැන් ගොඩනෙ.....දැන් නම් මගෙ දොස්තර හීනෙ හැබෑ වේවි... ඒත් හුඟක් සතු‍ටු වෙන්නත් බයයි මට...මට විතරක් නෙවි හැමෝටම....ඒත් මම දන්නව මගෙ අම්මයි තාත්තයි ඉන්නෙ හරිම සතුටින් කියල...ඔයත් ඔහෙ ඉඳන් මටත් වඩා සතු‍ටු වෙනව කියලත් මං දන්නව :)
                                                                ඔයා විතරක් නෙවෙයි තමයි තාත්තෙ, හුඟාක් අම්මල තාත්තල මේකට මහන්සි වුණා.... ඒත් මගේ තාත්ත ඔයානෙ... ඉතිං මං මේ කියන්නෙ ඔයාටයි..... හැම මොහොතෙම ඔයා මගෙත් එක්ක හිටිය...මගෙත් එක්ක විතරක් නෙවෙයි අපි හැම ළමයෙක් එක්කම...හුඟාක් මහන්සි වුණා...මටත් වඩා... අපේ හීන හැබෑ කරන්න යන්න පුලුවන් හැම තැනටම ගියා...කතා කරන්න පුලුවන් හැම කෙනා එක්කම කතා කලා....වෙලාවකට කඩා වැටෙද්දි වෙලාවකට පණ ගහල හැම දෙයක්ම පුලුවන් උපරිමෙන්ම කලා....නඩුව දාපු එකෙන් අපේ ranks දෙකට කඩපු එක හරි කලානෙ...එහෙම කලේ නැත්තම් දියමන්තිට දොස්තර තියා දත් දොස්තරයෙක්වත් වෙන්න බැරි වෙනව.....තවත් දුකින් ඉන්න ළමයි හුඟාරියක් ඉන්නව...එයාලගෙ කඳුලු උඩින් අපි කොහොමද campus යන්නෙ.... ඒ හැමෝවම ගොඩගන්න කරන හැම උත්සාහෙකදිම එයාලත් එක්ක ඔයා ඉන්නව කියල මං දන්නව තාත්තෙ... නඩු දවසට වැල නොකැඩී දෙමාපියන්ගෙන් calls එනකොට පොඩ්ඩක්වත් කේන්ති නොගෙන ඒ හමෝටම එකම දේ දහස් වතාවක් කිව්ව.... මේක හොඳ විදියට විසඳුනාට පස්සෙ හැමෝම කතා කරල අපේ තාත්තට පිං කියද්දි ඔයාටත් වැඩියෙන් මං සතු‍ටු උණා තාත්තෙ... ඔයා හැමෝටම ආදර්ශයක්.... අන්තිම වෙනකන් අතෑරියෙ නෑ ඔයා.... මටත් කියන්න තියෙන්නෙ ඔයාට පිං කියල තාත්තෙ.... වැරදි කරපු අයට අපි දඬුවම් දෙන්න ඕනෙ නෑ...එයාල ගැන උඩ ඉන්න දෙයියො බලා ගනීවි......
                                                             තාම හැම දෙයක්ම ඉවර නෑ.... ඉවර වෙනකල් ඔයා හැමෝටම ශක්තියක් වෙනව කියල මං දන්නව..... ඇත්තමයි තාත්තෙ ඔයා හරි හොඳයි... :) ඒ ඇයි...කොයිතරම් හොඳද කියල කියන්න මට තේරෙන්නෙ නෑ..... ඔයා මගේ ආයුෂත් අරන් ජීවත් වෙන්න ඕනෙ....හැඟීම් දැනීම් නැති අය මේක කියෙව්වොත් විකාරයක් වගේ පෙනේවි.... කවුරු කොහොම හිතුවත් කමක් නෑ.... මට ඇත්තටම කියන්න තියෙන්නෙ ආඩම්බරකාට තාත්ත වෙන කවුරුත් නෙවෙයි... ඔයා කියලයි මගෙ රත්තරං තාත්තෙ.... ඔයාට බුදුසරණයි!
Read more »

Thursday, August 23, 2012

2012 විද්‍යා අංශයෙං A/L කරේ කව්දෝ?

7:26 PM තඩි බොරලු 5 comments

           මේක ඉතිං පොඩි තෑග්ගක්. සමහර පොඩි එවුං විභාගෙ ඉවර වුන ගමංම කරන්නෙ උත්තර හොයන එකනෙ. සමහරුන්ට දුක හිතෙයි. සමහරුංට සතු‍ටු හිතෙයි. ඒත් මේව අන්තිම උත්තර නෙමෙයි. ඒ කියන්නෙ marking scheme එකේ උත්තර නෙමෙයි. ඒක නිසා මේව දාන්නෙ දළ අදහසක් ගන්න විතරයි. මේකෙදි එන ලකුණු වලින් -9 සිට +9 දක්වා ආන්තදෝෂ පවතින්න පුලුවං හොඳේ. මේව වල වගකීම තඩි බොරලු වන මම විසින් හෝ මේවා යොදන ලද ගුරුවරුං විසින් බාරගනු නොලැබෙන බව තරයේ මතක තබාගන්න. මෙන්න උත්තර.

Biology 2012 - by Dr.Hiran Amarasekara

New Syllabus - MCQ Unofficial Answers (before release of Marking scheme)
3       3       3       3       1       2       5       1       5       2
5       1       5       3       4       4       4       5       4       4
4       3       5       1       2       5       3       1       5       4
4       1       1       4       2       1       5       2       5       4
3       5       4       4       5       2       3       1       4       2   

Old Syllabus - MCQ Unofficial Answers (before release of Marking scheme)
5       2       2       2       4       1       3       1       3       3
4       1       2      2-5     5       2       3       3       3       5
3       4       5       4       1       2       3       3       5       1
3       4       5       4       5       4       2       2       3       1
3       2       5       1       1       2       2       3       3       5
1       2       1       4       4       4       3       5       5       3


Physics - by a reliable source

New Syllabus
(1) 2231352443
(11) 145143233
(20) 4114543213
30-2/3/4/5,
(31) 1531424551
(41) 2541514122
  
Old Syllabus
01-1253243154
11- 3331144452
21- 5425243123
31- 5315435331
41- 3144512242
51- 2524424121


Chemistry - by Mr.Prasanna Baddewithana

New Syllabus
1-2, 2-2, 3-4*, 4-3, 5-3, 6-5, 7-1, 8-5, 9-5, 10-1,
11-2, 12-4, 13-4, 14-3, 15-3, 16-2, 17-2, 18-4, 19-3, 20-4,
21-5, 22-2, 23-3, 24-4, 25-3, 26-4, 27-2/3/5, 28-4, 29-3, 30-4,
31-5, 32-2, 33-5, 34-1/5, 35-5, 36-4, 37-3, 38-1, 39-4, 40-4,
41-3, 42-1, 43-3, 44-1, 45-5, 46-4, 47-2*, 48-, 49-5, 50-3

Old Syllabus
1-2, 2-3, 3-1, 4-3, 5-4, 6-5, 7-1, 8-2, 9-1, 10-2,
11-4, 12-3, 13-1, 14-3, 15-2, 16-1, 17-2, 18-4, 19-1, 20-5,
21-1, 22-2, 23-3, 24-4, 25-4, 26-3, 27-4, 28-3, 29-4, 30-5,
31-1, 32-1, 33-1, 34-5, 35-5, 36-3, 37-5, 38-2, 39-2, 40-1,
41-5, 42-3, 43-2, 44-4, 45-5, 46-1, 47-5, 48-5, 49-5, 50-5,
51-4, 52-2, 53-4, 54-3, 55-5, 56-3, 57-5, 58-2, 59-3, 60-1

කිව්වනෙ.මේව අන්තිම උත්තර නෙමෙයි. හරිද.. මේව බලල අඬන්නෙ හරි හිනාවෙන්නෙ හරි නෑ හරිද . :p




Read more »

Wednesday, July 18, 2012

වඳ වෙනවට බයේ හුලං ගසන්නෙමි

7:28 AM තඩි බොරලු 4 comments

තමුසෙ ඔහොම ඕක තියං ඉන්න එපා. වඳ වෙයි. සහෝදර ප්‍රේමය පෙරදැඩි කරගෙන වැඩිමහල් තඩි බොරලු ලඟදී මට කීවේය. අප්පට සිරි. ඇත්ත නේද. අල්ලා බැලුවෙමි. නහුතෙටම රත් වී ඇත. හැබැයි ලැප්ටොපය ඈහ්.

ඔහු ලැප්ටොපයක්ද මා මිනිලැප්ටොපයක් සහ කොම්පීටර්යක් භාවිතා කරමින් සිටියේ මීට මාස 8කට පමණ පෙරය. මිනිලැප්ටොපයේ මව්ලෑල්ල ගියේය. නොමිලේ හම්බුන එකක් නිසා මට එය හදන්න ඇම්මක් නැත. අතෑර දැමීමි. කොම්පීටරේ භාවිතා කලෙමි. අයියනායක දෙයියන්ටම ඔප්පුවෙච්චාවේ කියා එහිද මව්ලෑල්ල ගියේය. මොනා කරන්නද අහිංසක මං. බ්‍රදර් සහෝදරයාගේ ලැප්ටොපයට හිස දැමුවෙමි. ලොලේ ලොල්. එය ඉත්තෑවගේ ගෙට කබල්ලෑවා රිංගුවාක් මෙන් ඔහුට සිතෙන්නට ඇත. අන්තිමට එය මගේ ලැප්ටොපයක් සයිස් එකට විය. අන්තිමට උඹට ලැප්ටොප් එකක් ඕනද? මං අරන් දෙන්නම්. ආහ්. මගේ ඉහේ මලක් පිපුණි. අන්න සහෝදරයො. කික් ඈහ්.


ගියෙමි Unity Plaza. හෙව්වෙමි කඩයක් . අන්තිමට සැට් වූයේ අඩු ගානට වැඩි සිස්ටම් තැනකි. WinSoft Computers. ගත්තෙමි කෙලින්ම HP Pavillion g6 core i5 ලැපක්. මේ හි‍ටු කියල රත් වෙන්නේ එයයි. ගේම් එකක් ගහන්න ගන්නා විට මගේ කකුල උඩ තබාගෙන සිටීම මගේ අනාගත උපත් පාලනය ඉබේම සිදුවන ක්‍රමයක් සේ දැනුනි. මේසය මත තැබූ විට මේසය ගිනිගන්නවගේ ආවේය. කුමක් කරන්නද. ගියෙමි ebay. හෙව්වෙමි කූලිං පෑඩ් එකක්. shipping එක්කම 1600 ට නියම භාණ්ඩයක් තිබේ. නමුත් ඒකේ සයිස් එක හැටියට පෝස්ට් ඔපීසියට යන්නට වීම පරාල ඇණයක් විය හැක.

මායාවරුන්ගේ කැලැන්ඩරේ

USB hub එක


එනිසා ගියෙමි ආපසු Winsoft සොයා. ගත්තෙමි සුපිරි භාණ්ඩයක්. කූලිං පෑඩ් එකක්. ඒක නිකං මායාවරුන්ගේ කැලැන්ඩරේ වගේ . මරේ මරු. මෙන්න භාණ්ඩේ. පෝට් 4 USB hub එකකුත් තියෙනවා. සුපිරි ඈහ්. 1800යි. ඒ ගානට ඉතිං වටින්නෙ නැතැයි. දැන් මං අනාගතේ ගැන බය වෙන්නෙ නෑ. හුලං වැදි වැදි තියාගෙන ඉන්නව මගෙ ලැප් එක. මගෙ ලැප් එක කිව්වෙ ලැප්ටොප් එක ඈහ්.
Read more »

Posted in: ,,

Tuesday, July 17, 2012

ඩයරිය 17-7-12

9:50 AM තඩි බොරලු 1 comment

 

ලියන්නට හදමි. ඩයරියක් ලෙස අමුනා. එලියට නොබැසුවාක් මෙන් වූ අද දවසේ ලබු කන්නද ? ඩයරිය හිස් වගේ. 
|
|
|
V
නැත නැත සුවාමීනි.
ලියමි ඩයරිය පුරවා . බොරු පුරසාරං.

ඒ උදෑසන කාලයේ දු‍ටු හීනයකි. ලොලේ ලොල් වූ අද දවස මනරං එකක් දෝ මන්දා. උදෑසන භාගයේ ට්‍රෙඩ්මිලය උඩ හතර ගාතය දමන තෙක් දිව්වේ කාලේකිනි. 

|
|
V

පාං කියාගන්නට නොහැකි උදේ පාංදර අල සමග තිබූ පොල් මැල්ලුම වැලඳූ පසු බඩ හිස් වගේ දැනුනි. කුමක් කරන්නද මං. බඩට ආදරේ නං. කන්නට බිස්කට් පෙට්ටියේ හුලං විස්කෝතුවක් ද නොමැත. කිඹුල් කට ඇර ගොජ ගොජ ගා වතුර කලයක් ඇද බෑමි. උදෑසන තේක අමෘතය වගේ යැයි සිතා ගත්තෙමී. නමුත් එය මේසය උඩ අමතක වීමෙන් කූල් බීම එකක් මෙන් විය. උදේ ඉඳන් ඇන්ඩ්‍රොයිඩ් සමග ඔට්‍ටු වුනෙමි. හුලං පාරක් ද ලියන්න හැදුවට ලියවුනේ බාගෙටයි. (හුලඟ ගැන දන්නා අය දනිති. එය හැමෝම නොදනී)

|
|
V
දවල් කෑම එකත් උදේ කෑම එකට හපන් යැයි සිතා නොකෑමට සිතීමී. එක වේලකින් කිලෝ 5ක් වත් අඩුවෙනවානං දෙයියනේ. ඒත් ඒ බඩගින්නට එක්ක හවස දෙසා බෑ මෝනිස් බිස්කට්‍ටු ටික බර කිලෝ 5කින් වැඩිකලාදෝ මන්දා. කන බනේ නැවැත්තුවෙමි. කවරයක් සාදා ඔබා දැමුවෙමි. 


|
|
V
සවී නගාට මෙමෙයක් සෑදුවෙමි.එයින් නොසෑහෙන්න බැනුං ඇහුවෙමි.


|
|
V
බස් රේඩියෝවේ පැය ගානක් ලතැවී මනලෝලී ඉල්ලාගත්තෙමි. කුනුහබ්බ මතක් වෙන ගානට අයිස් අක්කා මාව එහි රස්තියාදු කරේය. වූසා එකේ පන්තියකට යෑමට සල්ලි ඉල්ලීමට පෙරමං බලං ඉඳිමි. අම්මා කැමතිවේදෝ මන්දා. අද ටිකක් ලොකු වලියකි. මා යුධ ප්‍රකාස කිරීමට ද පෙර‍ටුගාමී වෙන බුවෙකි. 


|
|
V
අම්මට හුඩු මෙතන තිබ්බ මගේ ලෑලි ගෙදර කෝ. අනාගතේ මට මේම කියන්න වෙයිද මන්දා. ඒක මතක් වී ඇෆ් සී ඇස් පොත අතට අරන් ගනන් හැදීමට යාම ඊලඟ මෙහෙයුමයි. හතර අතේ ඩස්පි ගුස්ප ඇල්ලූ නමුත් ඒවා කිව නොහැක.


|||
|||
|
V
බායි ඈහ්

Read more »

Posted in: ,,

Monday, July 16, 2012

android කියන්නෙ මුනාද - II - Version Comparison(i)

11:16 PM තඩි බොරලු 4 comments

                    මේ ගල්බෝලෙන් මං කියල දෙන්න යන්නෙ ඇන්ඩ්‍රොයිඩ් වල වර්ශන් අනුව තියෙන වෙනස් කම් සහ ඇඩ් වෙච්ච වැඩකෑලි ගැන. හැමෝටම ඕන තමුන්ගෙ ස්මාර්ට්ෆෝන් එක තව ස්මාට් කරගන්නනේ. ඉතිං මේ ඔප්ශන්ස් යූස් කරල නැත්තං යූස් කරන්න්ත්, ඊට වඩා වැඩි වර්ශන් එකක් ඕනනං ඇන්ඩ්‍රොයිඩ් එක අප්ඩේට් කරගන්නත් කට්ටියට පුලුවන්. හැබැයි අප්ඩේට් කරන එකේ ලිමිට් එකක් තියෙනව හොඳේ.

                    හරි. ගූගල් ලා මුලිනම එව්වෙ ඇන්ඩ්‍රොයිඩ් බීටා වර්ශන් එකක්. ඒ කියන්නෙ Android 0.9 - Android Beta කියන එක. මේක එව්වෙ 2008 අගෝස්තු 18. බීටා වර්ශන් එකක් එවන්නෙ ටෙස්ට් කරන්නනෙ. ඉතිං මේකෙං එච්චරම ප්‍රයෝජනයක් නෑ අපිට. ඊට පස්සෙ පිලිවෙලින් 2008 සැප්තැම්බර් 23, 2009 පෙබරවාරි 9 දි Android 1.0 - Applie Pie , Android 1.1 - Banana Bread කියන වර්ශන් එලිදැක්වුනා. නමුත් මේවා වලත් ගතයුත්තක් තිබ්බෙ නෑ. ඒක නිසා මේවත් කවුරුත් වැඩිය පාවිච්චියට ගත්ත ඒවා නෙමෙයි. ඒත් Android SDK එක එලිදැක්වුනේ මේ වර්ශන් එක්කමයි. Apple Pie - API Level 1 සහ Banana Bread - API Level 2 ලෙස කාණ්ඩ ගතවුනා. කියන්නෙ මොකක්ද කියල ඉස්සරහදි බලමු.

                    ඔන්න ඊට පස්සෙ තමයි නියම ඇන්ඩ්‍රොයිඩ් වැඩකාරයෝ එලියට ආවෙ. ඒ 2009 අප්‍රේල් 30 වෙනිදා එලිදැක්වුනු Android 1.5 - Cupcake එක්ක. දැනට තියෙන ඇන්ඩොයිඩ් මාකට් (Android Market) නොහොත් මාසයකට පමණ පෙර සිට Play Store ලෙස වෙනස් වූ Android Application Storeයෙන් 0.2%කට හිමිකම් කියන්නේ මේ Cupcake Based Applications. මේකෙ Android SDK API Level 3 ට අදාල වෙන OS එකක්. Cupcake එකේ තමයි Bluetooth A2DP සහ AVRCP මුලින්ම Android වලට ආවෙ. Text Prediction, Video Streaming වගේ දේවලුත් මේකට ඇතුලත්. මේ Technology ගැන බයවෙන්න එපා. මේ ඔක්කොම ඉස්සරහට විස්තර කරල දෙන්නං.

                    2009 සැප්තැම්බර් 15 වෙනිදා එලියට ආපු Android 1.6 - Dount වලනම් Cupcake ට වඩා වැඩිය ආවෙ නෑ. ඒත් TBT Navigation සහ Gesture Framework එකක් දාල එවපු නිසා Maps/Navigation වලයි Display UI Widget Developing වලයි දියුණුවක් ඇති වුනා. Donut කියන්නෙ API Level 4 OS එකක්. ඒක Android Market(Play Store) එකෙන් 0.5% Application වලට හිමිකම් කියනව.

                    ඔන්න ඊට පස්සෙ ආව සිරාම සිරා වර්ශන් එකක්. Android 2.0 - Eclair .ඒක එලිදැක්වුනේ 2009 ඔක්‍තෝබර් 26. ඒ කියන්නෙ Donut වලට ඉඩලැබුනේ මාසයක් වගේ පොඩි කාලයක් විතරයි. Android Eclair වලින් ඇන්ඩ්‍රොයිඩ් ජනප්‍රියවෙන්න පටන් ගත්ත කියන්න පුලුවන්. මොකද Eclair වලට ඉතා හොඳ දේවල් බොහොමයක් දාල තිබුණා. HTML support, Bluetooth 2.1 තාක්ෂනය, Microsoft EXS intergration, Digital Zooming, Live Wallpapers වගේ බොහොමයක් දේවල් ඒකට ඇතුලත් කරල තිබ්බා. මේක කොච්චර ජනප්‍රිය වුනාද කියනවනං Android 2.0.1, Android 2.1 කියල ඇන්ඩ්‍රොයිඩ් අප්ඩේට් වර්ශන් දෙකකුත් Eclair වලට ආවා. API Level 5,6,7 කියන තුනෙන්ම Develop වෙච්ච Application වලින් යුක්ත මේ Eclair වල Android Market Share එක 4% ට වැඩියි. ඔන්න ඔතනින් තමයි ඇන්ඩ්‍රොයිඩ් තර්ජනය Microsoftලට දැනෙන්න පටන් ගත්තෙ. ඒත් ඒක නවතින තර්ජනයක් වුනේ නෑ. ඒක හැමදාම ඉස්සරහට ගියා.

                    ඒකෙ ප්‍රතිපලයක් විදියට තමයි 2010 මැයි 20 වෙනිදා Android 2.2- Froyo එලියට ආවෙ. Froyo වලින් දුන්න පහසුකම් නිසා මිනිස්සුන්ට Windows Mobile එපාම වුනා කිව්වොත් හරි. API Level 8 Applications තියෙන වලට 18%ක Market Share එකක් තියෙනව. පරණ වර්ශන් වල වගේ තුන් හතර ගුණයක් speedවෙච්ච මේ Froyo එකේ තමයි මුල්ම වතාවට flash ආවෙ. කලින් වර්ශන් වලදි සමහර ෆෝන් වල විතරක් FlashLite 4.0 වැඩ කරා. ඒත් Crash reports & bugs ගොඩක් ආවා. ඒත් මේකෙ FlashLite 10.0 intergrade කරල එව්ව නිසා streaming කියන දේ nothing වුනා. Animated GIF සපෝට් කරා. Browser File Uploading කරගන්න මේකෙන් පුලුවන් වුනා. Market සහ වෙනත් application සඳහා JIT Implementation හඳුන්වාදුන්නෙත් මේකෙදි තමයි. USB Tethering දීපු නිසා ලෝකෙ ඉන්න වැඩකාරයෝ ඇන්ඩ්‍රොයිඩ් දිහා ඇහැ දාන්න ගත්තා. මේ ඔක්කොටමත් වඩා  App2SD තාක්ෂනය හඳුන්වාදුන්න නිසා ඔක්කොම වැඩ පහසු වුනා. ඕනතරම් application තියාගෙන වැඩ ගොඩක් කරගන්න පුලුවන් වුනා.

                    ඊලඟට ආපු වර්ශන් සහ ඒව වල ප්‍රයෝජන ගැන ඊලඟ ගල්බෝලෙන් බලමු. බායි ඈහ්.

Read more »

Posted in: ,,

android කියන්නෙ මුනාද - I - ඇන්ඩ්‍රොයිඩ් හැඳින්වීම

9:13 AM තඩි බොරලු 6 comments

                   මේක තමයි අපේ අලුත්ම ලිපි මාලාව. ඇන්ඩ්‍රොයිඩ්. සමහරු ඇන්ඩ්‍රොයිඩ් තියෙන ෆෝන් ටැබ් ගත්තට ඒව වලින් කිසි පාවිච්චියක් ගන්නෙ නෑ. ඒ මොකද කියනවන් ගොඩක් අය ඇන්ඩ්‍රොයිඩ් වල තියෙන වටිනාකම දන්නෙ නෑ. ඒක නිසා ඇන්ඩ්‍රොයිඩ් වල විස්තර කියල දෙන්න ඕන කියල අපි හිතුවා. අන්න ඒක නිසා පටන් ගන්න අපේ අලුත්ම ගල්බෝල ටික තමා ඇන්ඩ්‍රොයිඩ් කීන්නෙ මුනාද කියන්නෙ.

                   හරි .. මුලින්ම බලමු ඇන්ඩ්‍රොයිඩ් ගැන. මුල්ම ගල්බෝලෙන් ඇන්ඩ්‍රොයිඩ් ගැන විස්තරයෙන් ටිකක් දෙන්නංකෝ.

                   ලෝකේ හැමදාම බලන්නෙ තාක්ෂනයෙන් ඉස්සරහට යන්න. ඒ අස්සෙ ආපු තාක්ෂනය මිනිස් අතට ගෙනැඒමේ එක් පියවරක් තමයි ස්මාට්ෆෝන් වල ආගමනය. පරිගණක මෙහෙයුම් පද්ධති වල ලෝකය ආක්‍රමණය කරගෙන ඉන්න බිල්ගේට්ස්ගෙ මයික්‍රොසොෆ්ට් කම්පැණියෙ ඊලඟ පියවර වුනේ මේ ස්මාට්ෆෝන් ආක්‍රමණය. ඒක නිසා ඒගොල්ලො හැදුව  Window Mobile Operating System එක. ඊට පස්සෙ ස්මාට් ෆෝන් වල හැමෝම ඉල්ලන්න ගත්තෙ වින්ඩෝස් මොබයිල්.

                   ඔන්න ඔය කාලෙ තමයි වින්ඩෝස් මොබයිල් වලට තරඟයක් දෙන්න ලැරී පේජ් ගෙ ගූගල් සමාගම ඇන්ඩ්‍රොයිඩ් හැදුවෙ. ගූගල් ලා ඇන්ඩ්‍රොයිඩ් හදනව කියල කිව්වෙ 2005. ඒත් ඇන්ඩ්‍රොයිඩ් හරියටම එලියට ආවෙ 2007. ඒ ගූගල් සමාගමෙන් විතරක් නෙමෙයි. ගූගල් ගෙ ප්‍රමුකත්වයෙන් මොබයිල් ෆෝන් නිෂ්පාදනය සඳහා දායක වන සමාගම් 60කට අධික සංඛ්‍යාවක් එකතු වෙලා පිහු‍ටුවාගත්ත Open Handset Alliance කියන සංවිධානයෙන්. අදටත් ඇන්ඩ්‍රොයිඩ් අලුත් නිෂ්පාදන එලිදකින්නෙ මේ සංවිධානයේ පූර්ණ අනුදැනුම යටතේ.

                   ලෝකේ වැඩිපුරම ඇප්ලිකේෂන් ලියන ඔපරේටිං සිස්ටම් දෙකෙන් එකක් තමයි ඇන්ඩ්‍රොයිඩ් කියන්නෙ. (ජාවා දන්න අයට ලේසියෙන් ලියන්නෙ පුලුවන්). අනිත් එක තමයි ඇන්ඩ්‍රොයිඩ් විවෘත කේථ මෘදුකාංගයක් (Open Source OS). මේ වෙනකොට ලෝකෙ භාවිතාකරන ස්මාර්ට්ෆෝන් වලින් 55%කට වඩා තියෙන්නෙ ඇන්ඩ්‍රොයිඩ්. ඉතිං ඇන්ඩ්‍රොයිඩ් වල හොඳ ගැන තව මොන කතාද?

                   අනිත් දේ තමයි ඇන්ඩ්‍රොයිඩ් වල රහ.. රහ? මුකක්ද ඒ කතාව ආහ්????
                
                   හරියටම කියනවනම් ඇන්ඩ්‍රොයිඩ් වල වර්ශන් වලට නම් වැටෙන්නෙ කෑම ජාතිවල නම් වලින්. අන්න ඒක තමයි ඇන්ඩ්‍රොයිඩ් රහයි කියන්නෙ. කට්ටිය කාලම බලන්නකෝ.

                   මේ තියෙන්නෙ දැනට ආපු ඇන්ඩ්‍රොයිඩ් වර්ශන් ටික.

Android 1.5 Cupcake
Android 1.6 Donut
Android 2.0/2.1 Eclair
Android 2.2.x Froyo

Android 2.3.x Gingerbread
Android 3.x Honeycomb
Android 4.0.x Ice Cream Sandwich
Android 4.1 Jelly Bean


                   හරි. ඔය තියෙන්නෙ එක එක ඇන්ඩ්‍රොයිඩ් වර්ශන් ටික. තියෙන කට්ටිය වැඩිකරගන්න හදන්නෙ ඔන්න ඔය කෑම ජාති ටික තමයි.

                   මේ ලිපිය දිග වැඩිවෙයි වගේ. ඒක නිසා ඊලඟ ගල්බෝලෙන් බලමු මුනාද මේ ඇන්ඩ්‍රොයිඩ් වර්ශන් වල තියෙන වෙනස් කම් සහ වැඩකෑලි කියල.

Read more »

Posted in: ,,

මූණු 3 විරාගය - තෙවන ලිපිය

5:56 AM තඩි බොරලු No comments

 පලමු ලිපිය කියවන්න / චිත්‍රපටය නරඹන්න
 දෙවන ලිපිය කියවන්න

               අවසානයේ මා උකහා දැක්වීමට යන්නේ සිනමාපටයේ තිබූ අතිවිශිෂ්ට නාදමාලවන් පිලිබඳවය.

               මෙහි සංගීතය කුළුදුල් සංගීත සම්පාදකයෙකුගිනි. ඔහු අනිරුද් රවිචන්ද්‍රන් ය. නමුත් ඔහුගේ නාදරටාවන් වල නම් කිසිදු කුළුඳුල් බවක් දක්නට නොලැබේ. ඒවා එතරම් හද බැඳගන්නා ඒවාය.

               සිනමාපටය පුරාම දිගහැරෙන ඔහුගේ නාදරටාවන් තුලින් හිතට ලබාදෙන සංකීර්ණ සිනමා එල්ඹීම කියා නිම කල නොහැක. සිනමාපටයට දෙන ලකුණු 10කින් 4කටම ඔහු වගකියනා බව මගේ මතයයි.

               නමුත් එහිදී මගේ මතකය දිවයන්නේ වයි දිස් කොලවෙරි ඩී දෙසටය. ඔබට එය මතකද. ලොව ජනප්‍රියම ගීතය එයයි. එහෙත් එය කෙතරම් දුක්මුසු ගීතයක්දැයි ඔබට එය නරඹන අවස්ථාවේ සිතුනායැයි මා සිතමි. යමක් තේරුම්ගැනීමට එය මදක් අධ්‍යනය මදි බවට වයි දිස් කොලවෙරි ඩී සිනමාපටය තුලින් නැරඹීම හා වෙනම නැරඹීම යන දෙකෙන් වටහාගත හැක.


 


               ගීතය අසනා අතරතුරම එහි පදවැල කියවා බලන්න. 

Yo Boys, I Am Singing Song ..
Soup Song,
Flop Song,
Why This Killer Rage, Killer Rage, Killer Rage, Girl ??
Why This Killer Rage, Killer Rage, Killer Rage, Girl ??
Rhythm Correct.

Why This Killer Rage, Killer Rage, Killer Rage, Girl ??
Why This Killer Rage, Killer Rage, Killer Rage, Girl ??
Maintain Please.
Why This .. , .. , ..  , .. Oh Girl ??

The Moon Is In The Distance, Moon’s Colour Is White.
Night’s Background Is White, The Night, Night’s Colour Is Black.
Why This Killer Rage, Killer Rage, Killer Rage, Girl ??
Why This Killer Rage, Killer Rage, Killer Rage, Girl ??
She’s A Fair Skinned Girl, Girl, Girl’s Heart Is Black,
Her Eyes And My Eyes Met, My Future Is Now Dark.

Why This Killer Rage, Killer Rage, Killer Rage, Girl ??
Why This Killer Rage, Killer Rage, Killer Rage, Girl ??
Buddy, Take Notes, And Take The Saxophone In Your Hand.
“ Pa Pa Paan Pa Pa Paan Pa Pa Paa Pa Pa Paan ”
Play It Right. Super, Buddy! Ready?

Ready ?? 1.. 2.. 3.. 4..
Whoa, What A Difference Buddy .. !!
Alright Buddy, Now Tune Changes ..
“Kaila” Glass… Only English, Eh .. !!

Glass In Hand, Scotch In Glass, Eyes Full Of Tears,
Life’s Empty, Girl Shows Up, Life’s Goes In Reverse Gear.

Love, Love, Oh My Love, You Stood Me Up ..
Cow, Cow, Holy Cow, I Want You Here Now .. !!
God, I’m Dying Now, But She’s Happy, How ??
This Song Is For The Soup Boys, We Don’t Have A Choice.

Why This Killer Rage, Killer Rage, Killer Rage, Girl ??
Why This Killer Rage, Killer Rage, Killer Rage, Girl ??
Why This Killer Rage, Killer Rage, Killer Rage, Girl ??
Why This Killer Rage, Killer Rage, Killer Rage, Girl ??


Yo boys, I am singing song… Soup song, flop song. Why this killer rage, killer rage, killer rage, girl? Why this killer rage, killer rage, killer rage, girl? Rhythm correct. Why this killer rage, killer rage, killer rage, girl? Why this killer rage, killer rage, killer rage, girl? Maintain please. Why this killer rage, …, …, girl? The moon is in the distance, the moon. Moon’s colour is white. Night’s background is white, the night, Night’s colour is black. Why this killer rage, killer rage, killer rage, girl? Why this killer rage, killer rage, killer rage, girl? She’s a fair-skinned girl, girl, Girl’s heart is black, Her eyes and my eyes met, My future is now dark. Why this killer rage, killer rage, killer rage, girl? Why this killer rage, killer rage, killer rage, girl? Buddy, take notes, and take the saxophone in your hand.
Read more at: http://aahsome.com/blog/why-this-kolaveri-lyrics-english-translation/
Yo boys, I am singing song… Soup song, flop song. Why this killer rage, killer rage, killer rage, girl? Why this killer rage, killer rage, killer rage, girl? Rhythm correct. Why this killer rage, killer rage, killer rage, girl? Why this killer rage, killer rage, killer rage, girl? Maintain please. Why this killer rage, …, …, girl? The moon is in the distance, the moon. Moon’s colour is white. Night’s background is white, the night, Night’s colour is black. Why this killer rage, killer rage, killer rage, girl? Why this killer rage, killer rage, killer rage, girl? She’s a fair-skinned girl, girl, Girl’s heart is black, Her eyes and my eyes met, My future is now dark. Why this killer rage, killer rage, killer rage, girl? Why this killer rage, killer rage, killer rage, girl? Buddy, take notes, and take the saxophone in your hand.
Read more at: http://aahsome.com/blog/why-this-kolaveri-lyrics-english-translation/
Yo boys, I am singing song… Soup song, flop song. Why this killer rage, killer rage, killer rage, girl? Why this killer rage, killer rage, killer rage, girl? Rhythm correct. Why this killer rage, killer rage, killer rage, girl? Why this killer rage, killer rage, killer rage, girl? Maintain please. Why this killer rage, …, …, girl? The moon is in the distance, the moon. Moon’s colour is white. Night’s background is white, the night, Night’s colour is black. Why this killer rage, killer rage, killer rage, girl? Why this killer rage, killer rage, killer rage, girl? She’s a fair-skinned girl, girl, Girl’s heart is black, Her eyes and my eyes met, My future is now dark. Why this killer rage, killer rage, killer rage, girl? Why this killer rage, killer rage, killer rage, girl? Buddy, take notes, and take the saxophone in your hand.
Read more at: http://aahsome.com/blog/why-this-kolaveri-lyrics-english-translation/






Read more »

Posted in: ,,,

Friday, July 13, 2012

මූණු 3 විරාගය - දෙවන ලිපිය

1:31 AM තඩි බොරලු 4 comments


පලමු ලිපිය කියවන්න / චිත්‍රපටය නරඹන්න

                පලමු ලිපිය කියවා සිනමාපටයද නැරඹූ පිරිසක් මෙය කියවනවා ඇතැයි මා සිතමි. එයට හේතුව මෙය සිනමාපටයේ පූර්විකාවක් නොව පශ්චාත් විභාගක අවදියට අදාල ලිපියක් ලෙස ලිවීමට මා ඉටාගත් බැවිනි. අවංකව සම්පූර්ණ සිනමාපටයම නැරඹූ ඔබගේ සිත බොහෝ චංචල වූ බැව් මට රහසක් නොවේ. එය මා අත්දකින ලද්දකි. රාම් යනු කවුරුන්ද? ජනනි යනු කවුරුන්ද? යන්න දැන් ඔබට අමුතුවෙන් පැහැදිලි කරයුතු නැතැයි මා සිතමි. එපමණක් නොව. ජීවිතයට වඩා මිතුදම අගය කරන සැබෑ මිතුදමක සටහනක් වන සෙන්දිල් ද ඔබට අමුතුවෙන් හඳුන්වාදිය යුතු නැත. මේ සියල්ලටම වඩා ඔබේ සිත චංචල කල බයිපෝලර් ඩිසෝඩරය ගැන ඔබට චිත්තරූපයක් අලුතෙන් මැවීමට මා හට කිසිදු අවශ්‍යතාවක් නැතැයි සිතමි.

                සිනමාපටය නැරඹූ ඔබ ඒ පිළිබඳ විචාරයක් සිතාගන්නට ඇත. ඕනෑම කෙනෙකුට එවැන්නක් සිතේ. නමුදු එය අකුරු බවට පත්කරන්නේ ටිකදෙනෙකි. ඔවුනට සමාජය චිත්‍රපට විචාරකයන්යැයි පටබඳී. එවැන්නෙකු වීමට මට කිසිදු අවශ්‍යතාවක් නොමැත. එහෙත් මේ වචන වලින් ඔබට සිතිය නොහැකි ඇතැම් කරුණු වූවානම් ඒවා උලුප්පා දීමට හැකිනම් මා හට එය සතුටකි.

                පලමුව අපගේ චිත්තරූපාකර්ෂණය හමුවේ අතික්‍රමණය වන්නේ බෙන්ස් කාරයක් තිබියදීත් යතුරුපැදියේ වැහිදිනයකදී පාසලට යන රාම් ගේ කොලු ගතිය අපෙන් කිසිදු වෙනසක් නැති බවය.එයින් මතුකල අප හා ඔහු අතර ඇතිකල සබඳතාව තවදුරටත් ශක්තිමත් කරන්නට රචකයා සමත්වනුයේ දු‍ටු තැන ප්‍රේමය සංසිද්දියක් ඇතිකිරීමෙනි. සැබෑජිවිතයේ මෙන් දැක්ක ලව් සිද්දියක් මිස හැඟීම් වලට ලව් කිරීමක් හෝ මාස ගානක් ආස්සරය කොට නැතුව බැරුව ලව් වැනි ඉලව්වක් මෙයට යෙදුවේ නම් මතුකිරීමට යන්නාවූ ඉතිරි කොටස් සඳහා ඉඩක් නොමැතිවනවා නිසෙකය. එබැවින් ලුණු ඇඹුල් සියල්ල නිසිආකාරව යොදා ඇතැයි මට සහසුද්දයෙන්ම කිව හැක. දෙමාපිය පවුල් අවුල් එක්වරම ඇතිවී නැතිවී යන්නේද ඊට ඉඩකඩ සපයමිණි.


                නමුත් ප්‍රධාන ප්‍රස්තුතය හටගන්නා ස්ථානය ඒ කිසිවක් නොවේ. ඉතා සුළු පැය කිහිපයකි. ඒ සියල්ල අවසානය වනතෙක් සඟවා තබාගැනීමට කතුවරයා දැරූ උත්සාහය අනර්ග බව ඔබ ඉඳුරාම දනී. එතරම් කුතුහලයක් ඔබේ සිතේ හටගන්නට ඇත. ආරම්භයේම මියයන රාම් මියයාමට නිධාන කතාව කුමක්දැයි අවධාරණය වන්නේ අවසානයේදී පමණි.

                රාම් හට බයිපෝලර් ඩිසෝඩරය සෑදෙන්නේ ජනනි ඔහු සමග නැතැයි ඔහු සිතනා කුඩා පැය ගණනකදීය. එහිදී ඇතිවන මානසික ආතතිය පිටනොකිරීම හේතුකොටගෙන මානසික රෝගාබාධයක් දක්වා ඉතා සුළු කාලයක් තුලට හැරවෙන්නේ ඔහු හා ඔහුගේ මිතුරු සෙන්දිල්ට පවා නොදැනීය. ඔබ බොහෝ ප්‍රිය කල වයි දිස් කොලවෙරි ගීතයේ සැබෑ තේරුම එයයි. එය හුදෙක්ම තම සිතේ ඇති ආතතිකමය ආකල්ප වල සංක්ෂිප්ත දිගහැරුමකි. එහි වීඩියෝව ඔබට මතකනම් එහිදී තමා ඉදිරිපිට ජනනිගේ රූපය මැවෙන අයුරු ඔහු දකින්නේද එහි උච්චතම අවස්ථාවකදීය. ඒ ගීතයේ අවසානභාගයේදී ය.

                මෙහිදී අගය කල යුතු තවත් කාරණයක් වන්නේ සෙන්දිල් නැමැති චරිතයට ලබාදුන් මිතුදමේ සංකේතයයි. පලමු කොටසේදී වැදගත් මිතුරා වන්නේ ඔහු නොවන නමුත් රෝගයට ගොදුරු වූ පසු ඔහු දරණා මෙහෙවර සැබෑ කලණ මිතුරෙකුගේ වෑයමකි. එවැන්නෙක් සැබැවින්ම සොයනවා යනු හම්බන්තොටින් ඉන්කාවරයෙක් සොයනවා වැනිය. ඔලුව පැලෙන්නට බෝතල් පාරක් සහ අත කැඩෙන්නට පු‍ටු පාරක් කෑවද යාලුවා කිසිදා අතාරින්නේ නැත. එවන්නන් මල් තබා  වැඳිය යුතුය.



                නමුත් ප්‍රධාන තේමාව එය නොව. සෑබෑ හැඟීමක් මගින් ඔබගේ මානසිකත්වයට ඇතිකල හැකි බලපෑම හුවාදැක්වීම මෙහි ප්‍රධාන හැඟීම බව මගේ මතයයි. තමුන්ට අවශ්‍ය කරන අය ලඟ නැතිවෙන බවට දැනෙන හැඟීම කෙතරම්දැයි කියා නිමකල නොහැක. එය විඳ ඇති අය දනී. එහෙත් එවන් දෙයක් මගින් මනසට ඇතිකල හැකි විපර්යාසය කෙතෙක්දැයි මෙය නැරඹීමෙන් ඔබට වැටහෙන්නට ඇතැයි සිතමි. එක් වරකදී වෙන දෙයක් මැකීමට ජීවිතයේ තවත් අවස්ථා නොලැබේ. කෙතරම් වසන් කලද සත්‍ය දිනයකදී නැගීසි‍ටුනු ඇත. එය බාහිරයට ඇතැම්විට නොපෙනෙනු ඇත. නමුදු ඕනෑම දේකට ඕනෑවට වඩා ඔබ්බෙන් ඇලුම් කිරීම යනු නොකල යුත්තක් බව මා මෙහිදී වටහාගත් අනුපමේය සත්‍යයි.


                තවත් බොහෝ දෑ සිතුනද ඒවා වචන වලින් විස්තර කිරීමෙහි ලා මා හට හැකියාවක් නොමැත. ඒවා මාගේ වචන ප්‍රස්තුත හමුවේ බොහෝ ඉදිරියට ගිය ආධ්‍යාත්මික කාරණාවන් යැයි සිතමි. නමුත් එය ඔබහට විස්තර කල හැකිනම් කරුණාකර කමෙන්‍ටු තීර වල ඔබගේ අදහස් ඉදිරිපත් කරනා මෙන් ඉල්ලමි. අති ප්‍රභල අධ්‍යක්ෂනයකින් හා රඟපෑම් වලින් යුක්ත වූ මෙහි සංගීතය මේ සිනමාපටයේ අධ්‍යාත්මය කෙරෙහි කෙලින්ම බලපෑම් එල්ල කරනා ලද සාධකයකි. මා ඊලඟ ලිපියෙන් ඒ පිළිබඳ මගේ චිත්ත රූප හමුවේ පටබැඳි කාරණා විග්‍රහ කරන්නෙමි.


Read more »

Posted in: ,,,

Wednesday, July 11, 2012

මූණු 3 විරාගය - පලමු ලිපිය

1:59 AM තඩි බොරලු 7 comments

                   ලියන්නට සිටි දෑ සියල්ල වෙනස් විය. කතාව වෙනම පැත්තකට හැරුණි. අද දවසේදී මොබයිල් ෆෝන් වල රහස් හෙලිකරන ලිපියක් ලියන්නට ඊයේ ඉටාගත් මා හට මේ සිදුවූයේ කුමක්දැයි මා නොදනිමි. නමුත් දැන් මගේ ඇස් වලට කඳුලක් ඇවිත් ඇති සේ මට දැනේ. ජීවිතයේ ප්‍රථම වතාවට මා හදවත එක් සිනමාපටයක් විසින් සංවේදී කලේය. හේතුපාඨ කිසිවක් ඒ සඳහා දීමට නොහැකිය. නමුත් මා ජීවිතයේ මෙතෙක් කල් නැරඹූ දහස් සංඛ්‍යාත සිනමාපට අතුරින් මා පලමු තැනට පත්කරන ලද සිනමාපටයක් අද නැරඹුවෙමි. කෙටියෙන්ම කියතොත් මා මෙතෙක් නැරඹූ අතිශය භාවාත්මකම සහ මානසික සංධර්භයේ උත්තුංග කොටස් තරණය කරමින් ගැඹුරු චිත්ත රේඛාවන් කෙරෙහි ඇමතූ පලමු සිනමාපටය එය විය.

                   මා මිතුරු ලෝපේස් ගේ වැදගත් කාර්යයක් සඳහා දහවල් වරුව වැය කිරීමට සිටි මා එය පැයක් පරක්කු කර මේ පිළිබඳව ලිපි 3ක් ලිවීමට ඉටාගතිමි. සාමාන්‍යයෙන් යහලුවකුගේ වැඩක් පස්සට නොදානා මම (විශේෂයෙන් ලෝපේස්ගේ) එය තරමක් පරක්කු කරවීමට තරම් මෙය මගේ සිතට කාවැදුණි. දෙමළ චිත්‍රපටි නැරඹීමට සිංහල ඒවාට වඩා කැමති මා මූණු නොහොත්  3 නරඹන්නට ගත්තේ උදෑසන වරුවේය. දහවල් 12 පමණ වනවිට නරඹා අවසන් වන විට මා මේ සඳහා ලිපි 3ක් ම ලිවීමට ඉටාගත්තේ එහි නමට ගරුකිරීමක් වශයෙන් පමණක් නොව ලිපි 3ක් ලිවීමට තරම් එය වැදගත් ද බැවිණි. කොතෙක් ද කිවහොත් මූණු(3) සඳහා සෝනි මියුසික් ඉන්දියා ආයතනය විසින් පූර්ව ප්‍රචාරක පට තුනක්ද නිෂ්පාදනය කලේය.


                   ධනුෂ් සහ ස්රුතී හසන් විසින් ප්‍රධාන චරිත නිරූපණය කරන 3 හි නිෂ්පාදනය ධනුෂ් ගේ බිරිඳ වන අයිශ්චර්යා ධනුෂ් විසිනි. නිෂ්පාදනය කේ.විමලගීතා විසිනි. රචනය අයිශ්චර්යා ධනුෂ් විසිනි. මෙය කියවන ඕනෑම කෙනෙක් 3 පිළිබඳව දන්නා බව මා මුලින්ම සඳහන් කරමි. ඒ කොහොමදැයි සමහරුන්ට ප්‍රශ්නයක් පැනනැගිය හැක. නමුදු වයි දිස් කොලවෙරි ඩී ගැන නොදන්නා අන්තර්ජාලය පරිහරණය කරන්නෙකු සිටිය නොහැක. ලොව වඩාත්ම ජනප්‍රිය ගීතය වන වයි දිස් කොලවෙරි ඩී 3 සිනමාපටය සඳහා නිපැයුණු ගීතයකි. තමුන්ට ඕනෑ ඕනෑ විදියට වයි දිස් කොලවෙරි වෙනස් කරගනිමින් භාවිතා කරන්නවුන්ට එම සරල තාලය තුල ඇති සංකීර්ණ පදමාලාවේ ගැඹුර තේරුම් ගැනීමට සිනමාපටය නැරඹිය යුතුම වේ.

                   3 නොහොත් මූණු ගොඩනැගෙනුයේ ධනවත් පවුලක තරුණයෙකු වන රාම් සහ මධ්‍යම පාන්තික තරුණියක වන ජනනි අතර ගොඩනැගෙන ප්‍රේමසම්බන්ධතාව වටාය. නමුත් එය වෙනත් සිනමාපටවල මෙන් මුළු කතාව පුරාම ඔවුන් දෙදෙනා විවාහ නොවී ඒ සඳහා අර අඳිමින් සිටිනා ලාම්පුරේ ප්යාර් කරේ විගඩමක් නොවේ. ප්‍රේම සබඳතාව ආරම්භ වූ පසුව ගතවන සියලු දවස් දක්වන නයි කයිද රෝස්පාං කතාවක්ද නොවේ. මූණු යනු ඉන් හාත්පසින්ම වෙනස් සිනමාපටයකි. 

                   කෙතරම් ධනවත් දෙමාපියන් යටතේ හැදී වැඩෙන පවුලේ එකම පුතු වූවද ධනවත් බව නොසලකා ජීවත් වන රාම් හට ජනනි හමුවන්නේ වැසිදිනයක තම බයිසිකල් චේනය දමාගැනීමට නොහැකිව දඟලන අවස්ථාවකය. එතැන් සිට ඇගේ හිත දිනාගැනීම ඔහු කරනා වීර වික්‍රමාන්ත සඳහා ගතවන පැය භාගයක පමණ කාලය සිනහ උපදවන සහ කුතුහලය දනවන විනාඩි කිහිපයකි. නමුත් අවසානයේ ඇගේ සිත දිනාගන්න ඔහු ඈ හා පෙමින් බැ‍ඳෙන්නේ අපේ බාසාවෙන් කියනවානම් බොක්කෙන් ලව් කරනා හරකෙක් ලෙසය. ජනනිද ඊට දෙවනි නැත. ඈද වසුපැටියෙකු පස්සේ යන මස්කඩකාරයෙකු සේ ඔහුවම සොයයි. පලමුව දෙමාපිය කැමැත්ත නැතුවද පසුව දෙමාපිය කැමැත්ත ඇතුවද ඔවුන් සුවසේ ජීවත් වේ.

                   නමුත් සිනමාපටයේ දැන් නරඹන්නට ඔබ හදනවානම් මගේ කතාව සම්පූර්ණයෙන් බොරු යැයි සිතෙන්නටද පුළුවන. සුවෙන් පසුවේ යැයි කීම කෙතරම් දුරටදැයි මා කීවේ නැත. සිනමාපටය ආරම්භවන්නේ මළගෙදරක දර්ශනයකිනි. කිසිවක් කතාකරගැනීමට නොහැකිව සිටින ජනනී ද මලමිනියක් සේයැයි ඔබට සිතිය හැක. එතැන් සිට දිගහැරෙන සිනමාපටය කුතුහලය, ආදරය, සෙනෙහස, මව්පිය බැඳීම, විකාර සහ සියලු අංගෝපාංග වලින් සමන්විත වූ නියම සිනමාපටයක් බවට මට පැවසිය හැක. තවද මා දු‍ටු අනර්ගම සටන් ජවනිකාවලින් එකක් ඇත්තේද මෙහි බව ඉඳුරාම ප්‍රකාශ කල හැක. තවත් දිගට ලිව්වෝතින් සිනමාපටයම ඔබට කීමට මට සිදුවනු ඇත. ඊට වඩා අවශ්‍ය වන්නේ ඔබ එය නැරඹීමයි. සමහරුන්ට මෙය බයිබ්ලොග්ස් වල වගේ ත්‍රී කණ්ඩායමේ කවුරුන් හෝ මට මුදල් දී මෙය ලීමට කිව්වාදෝයැයි සිතුනාට මට කමක් නැත. මට එසේ සතපහක මුදලක් මේ ලිපි වලින් ලැබැන්නේ නැත. මට අවශ්‍ය වනුයේ මා සතු වැදගත් දැනුම හා විනෝදය ඔබ සමග බෙදාගැනීමය

                   චිත්‍රපටයට 3 ලෙස නම් තබා ඇත්තේ කුමන හේතුවක් නිසාදැයි මා නොදනිමි. නමුත් එයට මා හට සිතුවිලි දෙකකි. ඒ රාම් සහ ජනනි අතරට පැමිණි තෙවැනියා නිසා විය හැකිය. නැතිනම් රාම්ගේ ජීවිතයේ ඇති අවධි තුනක් පිළිබඳව මින් නිරූපණය කරන නිසාද විය හැක. නැතහොත් රාම් යනු අන්ත දෙකක් අතර ජීවත් වන තෙවැනියෙකු නිසාද විය හැක. ඒ මට හිතෙන දේය. ඔබට හිතෙන දේ ඉන් වෙනස් විය හැක.

                   ඩිරෙක්ට් බලන්න ඕන අයට ඩිරෙක්ට් බලන්න, ටොරන්ට් වලින් ඩවුන්ලෝඩ් කරගෙන බලන්න ඕන අයට එහෙම බලන්න ඕන ඕන විදියට මා මෙහි පහසුකම් සපයා ඇත. 

                   මා ඉතිරි ලිපි දෙක අද රාත්‍රියේදී පලකිරීමට බලාපොරොත්තුවෙමි. පැය දෙකයි විනාඩි විස්සක් පුරා දිගෑරෙන මේ මානසික චිත්‍රය ඔබ නරඹා අවසානයේ ඔබට හිතෙන දේ මෙහි පලකරන මෙන් ඉල්ලා සිටිමි. නමුත් මා පවසන්නේ නම් දෙවනි හා තෙවනි දිගහැරුම් කියවීමට පෙර මෙය අනිවාර්යෙන්ම නරඹන ලෙසය. එසේ නොවුනහොත් ඒවා තේරුම් ගැනීමට ඔබට මහත් වෙහෙසක් දැරුවද නොහැකි වීමට ඉඩ ඇත. ඒ මින් ලැබෙන මානසික වෙනස් කම කිසිදා කිවනොහැකි බැවිනි.

                   සිත නැමැති මානසික සංදර්භය තුල හටගන්නා අවිදූර් විරාගික සැබෑ හැඟීමක් වන ආදරය මගින් මිනිස් ජීවිතයක් කෙරේ කෙතරම් බලපෑම් ඇතිකල හැකිදැයි මෙය නැරඹීමෙන් ඔබට වටහාගත හැකිවෙයැයි මා සිතමි. මේ අත්දැකීම එලෙසම පිහිටන කිසිදු ජීවියෙක් මිහිපිට මේ වන විට වාසය කල නොහැකි වුවද මට ලෙසටම ඔබලාගෙන් ඇතැමුන්ට මෙයින් කිසියම් හෝ අත්දැකීමක් ඇතැයි මා සිතමි. එවන් පුද්ගලයින්ට තම අතීතය අනිවාර්යෙන්ම මතක් වෙනු ඇතැයි මා අත්දැකීමෙන්ම දනිමි.

                   ආදරය නිරාමිස විරාගික එකක් බව සැමවිටම මතක තබාගන්න. එය පෙම්වතුන් අතර ඇති ආදරය පමණක් නොව, දෙමාපිය දූදරු, ගුරු සිසු, ස්වාමියා සුරතලා අතර ඇති සැබෑ ආදරය ගැන වුවද සත්‍යයකි.

                   එසේනම් ඔබ සැමට වයි දිස් කොලවෙරි ඩී......

++ === සිනමාපටය නැරඹීමට === ++

                                  ඉංග්‍රීසි උපැසි‍රැසි සහිතව සිනමාපටය නැරඹීමට නම් මෙය යොදාගන්න. නමුත් මෙය මෙහි ඇත්තේ 380px සිනමාපටයක් ලෙසය. එබැවින් fullscreen දැමීම සුදුසු නැත. යූටියුබ් ප්ලේයරයේ දකුණුපස් ඇති ලාර්ජ් ප්ලේයර් ඔප්ෂනය මගින් නැරඹීම වඩා සුදුසු බව මගේ මතයයි.
                                   භාගත කරගෙන පරිගණකයේම හෝ ප්ලේයරයක නැරඹීමට මෙය යොදාගන්න.
                                               Seed 72     Leech 37
                                               Audio Quality Rate  8/10
                                               Video Quality Rate  8/10
                                               Size   682Mb
                                               Video Res  624*272     
                                               Bitrate  603Kb/s      Framerate  29.970 FPS
                                     මෙහි උපැසි‍රැසි රහිත වුවත් වීඩියෝ පික්සල් මෙනූ රාශියක් අතුරින් ‍තෝරා නැරඹිය හැක. 720px ලෙස HD movie එකක් ලෙස නැරඹීමටද මෙහිදී හැකියාව ඇත.



Read more »

Posted in: ,,,

Tuesday, July 10, 2012

MMIX Bioව සහ බයෝවරු

4:41 AM තඩි බොරලු 11 comments

                 O/L වලින් පසු ජීව විද්‍යාව තෝරාගැනීම නිසා මට MMIX Bio පන්තියට ඇතුලුවීමේ වටිනා අවස්ථාව ලැබුනි. MMIX Bio නොවන පිරිස MMIX Bio යනු කුමක්දැයි තුශ්නිම්භූත වන්නට ඇත. 13D bio 2009 කල්ලියේ පූර්වාදර්ශී නාමය MMIX Bio යි. එනම් 2009 Bio යන්නයි.
පන්තියේ මට සෙට් වු පිරිස අතර මා මුලින්ම වැටුනේ 5 කල්ලියකටය. 

                  චුච්චුවා, අන්කල්, සතා, සෝපා සහ බනියා යන අද්භූත සාමජිකයන් පස් දෙනාගෙන් කල්ලියේ වැඩ කටයුතු ආරම්භ විය. දවස් ගනන් යන තෙක් පච කෙල කෙල සිටි හැටි මට තාම මතකය. නමුත් සති 2-3 ගිය පසු පන්තියේ වෙන්වී තිබූ සියලු කල්ලි එක්තැන් විය. MMIX Bio සෑදුනේ එලෙසය.
                  
                  පන්තියේ තිරිසන් සතුන්ගේ නම් රාශියකි. මුල ඉඳන් ම කිව්වොත් අලියා, ලකා, ලොපේස්, ජොකා, ඩොකා (අලුත් නමකි) , රජියා, බොගා, බෙට්ටා, සාජන්, මේජර්, කැකුලා, අන්කල්, චන්දරේ, සෝපා, රිලවා , රශ් (the crush), පාණ්ඩේ, අබ්බා, ලැම්බා, කලුවා, චිනා, සතා, ඔමා, මල්සරා, වැස්සි, ගොනා, චුච්චුවා, ඉබ්බා, පණුවා ආදීන්ගෙ සපිරුණු ව සුන්දර නවාතැනක් විය.එකෙක් වෙනුවෙන් සියල්ලෝම නැගී සිටියේය. නමුත් බොහෝ විට නැගී සිටියේ නම් අනුන්ගේ කෑම එකක් දැක්ක විටය.

                  කිසිදා නොලැබෙන භාග්‍යවන්ත සාමාජිකත්වයක් අප ලබා තිබුණි. ඒ පාසලේ HP ද, DHPලා  දෙදෙනෙක්ද, ඊට අමතරව Senior Prefectsලා දෙදෙනෙක්ද අප ගොන්න අතර සිටීමයි. මේ නිසා කිසිවකට බියවන්නේ මන්ද. ලැබ් එකේ වාසය කිරීමත් අපට වාසනාව උදාකරන්නක් විය. යමක් හංගන්නට වූවිට ස්ථාන බොහෝමයකි. මීයන් ගෙම්බන් පිරි බොතල් අතරේ ඇති හිඩස් අපිට බිංගෙවල් මෙන් විය. කාඩ් පැක් ටික හැංගීමට විදුලි පංකාවේ  කැඩී ගිය කප් එක ඇතුල මිනීපෙට්ටියක් බඳුවිය.
 
                  අපි කෙලියේ නැති පිස්සුවක් නැති තරම්යි. Prefectsලාගේ පිහිටාරක්සාවෙන් බයක් සැකක් නැතුව කට්ටියම එකතු වී බූරුවා ගැසූ දවස් ගනන මට ගනන් කිරීමට පවා නොහැක. පන්තිය කෑලි තුනකට බෙදී පැක් තුන මුළු තුනකට යති. වෙනස් පන්ති වලට ගියත් හැමෝම නුගේගොඩට යන්නේ එකටය. ටිකට් ගැනීමට කලුවා රුසියෙකි. සියලු දෙනාමගේම එකට ටිකට් අරගෙන කොන්දාට හැමදාම ගනන් වරද්දයි. අතරමග හමුවෙන ක‍ටුබැද්ද හමුදා මුරපොල චුච්චුවා විසින් කා දමනු ලැබේ. චෙක් කරයි බං කියල කියන හැමදාම බස් රථය එතන නවත්වයි.

                  ඉන්ටර්වල් එකේදී කෑම බෙදාගැනීමට පොරකන එක Wrestlemania එකටත් වඩා ලොකු පොරයකි. රූබිණී ගේ පීරියඩ් එකේදී ලැබ් එකට නොගොස් පන්තිය තුල wrestling ගහගැනීම ලැම්බා විසින් ජුදාස් ගේ මෙහෙයුමක් නොහොත් මහා පාවාදීමක් බවට පත්කල බැවින් විදුහල්පති නිර්දේශ සහිතව මුලු පන්තියම පීරියඩ් 2ක් ම ග්‍රවුන් ඩ් එක වටේ දුවපු හැටි තාම මතකය. හැරි හැරි බලන්නට වටිනා ටෙක්ලා දිහා බැලීමට උදේ පාන්දර දත කට මැදගෙන හැමෝම ජනේලය ලඟට වී හිටපු හැටි අමතක වීමට මැරී ඉපදීමට සිදුවේ. ප්‍රංස බස ඉගැනීමට සෝපා මහා උනන්දුවක් දැක්වූයේ අලුතෙන් පාසලට පැමිණි ප්‍රංස භාසා ගුරුවරිය නාලිකා නිසා බව ප්‍රසිද්ද රහසකි.
                  A/L වී දැනට කොපමණ කල් ගත වුනත් තවමත් සෙට් එක සෙට් වෙන එක ගැන මට මාර හැපිය. සියලු කාරණා වල ඕගනයිසර් වන අලියාගේ annual trip එක අපේ අනිවා ඩෙෆා අයිතමයකි. තමුන්ගේ උපන්දිනය අමතක වුනත් සෙට් එකේ උපන්දින නම් අමතක වෙන්නේ නැත. ඒවා මිස් වෙන්නේද නැත. මාස දෙකක් හෝ තුනකදී සෙට් වූයේ නැත්තං මචංලා අපි සෙට් වෙමුදැයි මැසේජ් එකක් අනිවා දුරකතනයට ලැබේ. එහෙත් මේ දිනවල සිදුවන බොගාගේ දුම් දැමීම පිළිබඳව සැවොම කම්පා වෙමු. එහෙත් බොගාගේ වාහනයේ යෑම සැමගේම සතුටට කාරණයක් විය. (විශේෂයෙන්ම සතාට).

                ලඟදී අයිස්ක්‍රීම් ලීටර් 4ක් කෑ හැකියැයි කියා වමනය දැමූ අලියාගෙ වීර වික්‍රමය මතක් වන විට මට අයිස්ක්‍රීම් ද එපාවේ. බොරුවක් කීමට අවශ්‍ය වූ විට ඔමා හෝ ලකා සෙවීම අපගේ පුරුද්දකි. ප්‍රවාහන පහසුකම් අලියා සහ බොගාය. නොමිලේ කුනුහරප අහගැනීම සතාගෙනි. අන්තර්ජංජාලයේ කුමක් හෝ කුනුහරුප වැඩකට කතා කරන්නේ බනියා වූ මාහට, සෝපාට හෝ ලෝපේස්ටය. ගේම් එකක් හොයාගැනීමට ඩොකා හෝ බෙට්ටා ඇර තැනක් නොමැත. ක්‍රිකට් විස්තර විචාරයක් ඇසීමට අවශ්‍ය නම් අන්කල් ගාවට යෑම වඩා සුදුසුය. (විසේසයෙන් ජයසූරියගෙ ඒව). චිනා හෝ හස කිසිදා පන්තියේ සොයාගත නොහැක. ඇහුවොත් ප්‍රිෆෙක්ට් ඩියුටිය. ඔවුනට රිලීෆ් ඩියුටිද ඇත. සාජන් සහ මේජර් දකින්නේ කලාතුරකිනි. ඔවුන් කැඩෙට් කාමරයට වී හමුදා කුමණ්ත්‍රණ සැලසුම් කරයි.

                  මෙවන් එකී නොකී හැත්ත බුරුත්ත රාසියකින් සපිරුණු ව අද සිටින තත්වය ගැන මා හිතෑතුලින් බොහෝ සතු‍ටු වෙමි. වසර 3ක් ගතවුවද පෙරසේම සිටිනා අපේ සෙට් එක වෙනත් ඒවායින් බොහෝ වෙනස්යැයි ඇත්තටම සිතෙමි. ඒ හිතේ ඇතිවූ අවංක හැඟීමකි.
 
                  මේ ගල් බෝලය අවසානයේ මතක් කල යුත්තේ එවන් සුන්දර හීනයක කොටස්කරුවෙක් වීමේ අවස්ථාව ලබා දුන් උඹලා ඔක්කොම මට කවදාවත් අමතක වෙන්නේ නම් නැත කියායි.
Read more »

Posted in: ,,

Monday, July 9, 2012

මටම කියල මගේම කවරයක්

9:11 AM තඩි බොරලු 5 comments

            හූ ඈහ්.. ලොල්.

            මෙච්චර කල් එන්න බැරිව හිටියට සොරි කියල ආයෙත් වැඩ ටික පටාංගන්නකො. එක එක හේතු කාරණා නිසා රාජාධානිය පැත්තෙ හොට දාන්න බැරි වුනාට ඔන්න අද ආයෙ අයෑම් බැක් ඈහ්.

            මගේ මූනුපොතේ ඉන්න කස්ටිය එහෙම දන්නව ඇතිනෙ මගේ කවර් පොට්ටෝ අමුතුයි කීල. ඒ කියන්නෙ කස්ටමයිස්ඩ් කවර් පොටෝස් නෙ තියෙන්නෙ. මටම හදපුව. මමම හදාගත්තුව. සමහරු අහනව කෝමද හරියටම එව්ව හරි ඩයිමෙන්සන් තියල ලස්සනට හදන්නෙ කීල. ඕන් අද මං ඒක කීල දෙන්නම්

                හරි. මුලින්ම මේකට ඕන කරනව තමුන්ගෙ පොපයිල් එකේ ටයිම්ලයින් ඇක්ටිවේට් කරල තියෙන එක. ටයිම්ලයින් දාල නැත්තං ඉතිං කවර් පොටෝ දාල වැඩක් නෑනෙ. ටයිම්ලයින් හැමෝටම ඇක්ටිව් කරන්න බෑ. ප්‍රොෆයිල් එක හදල ටික කාලයක් තියන්න ඕන. නැතුව බෑ.

                ඇක්ටිව් කරල නැත්තං මෙතනට ගිහිං කියන එක නම් ඒක ක්ලික් කරල ඇක්ටිව් කරගන්න. එහෙම එකක් නෑ කියන්නෙ ඔයාට දැන්ම කරගන්න බෑ



                  හරි. දැන් ඕන දේ තමා පොටෝසොප්. පොටෝසොප් නැත්තං ඉතිං හොයාගන්න වෙනව. ඒකෙ ලින්ක් එකක් මෙතන දාන්න නම් මං ආස නෑ. හොර විදියට බඩු දෙන්න මෙතන යොදාගන්න මං ආස නෑ. ඒත් ඉතිං උදව්වක් කරන්නං. www.torrentz.eu එකට ගිහිං torrent එකක් සර්ච් කරල බලන්න.
             
                  හරි. සමහරු හිතනව ඇති මේකට පොටෝසොප් දැනගන්න ඕන කීල. ඒම ඕන නෑ. මේකට ඕන පොටෝසොප් ටූල්බාර් එක යූස් කරන්න දැනගන්න එක විතරයි.

                එකක ඩයිමෙන්සන් තමයි මේ දාල තියෙන්නෙ. මේක බලන්නකෝ.



                 මේ පොටෝ එකේ මැද්දෙ තියෙන පික්සල් ගනන් වල නිරවද්‍යතාව පිකස්ල් 0-2 අතර නිරවද්‍ය නොවෙන්න පුලුවන්. ඒත් පික්සල් දෙකක වෙනසක් කාටවත් පේන්නෙ නෑ. මං එහෙම වෙනසක් තියෙන්න පුලුවන් කියල කිව්වෙ මේ ඩයිමෙන්ශන් එක එක්කෙනා කියන ගනන් එකිනෙකට වෙනස් නිසා. මං මේ දැම්මෙ මට ගොඩක් හරි කියල හිතෙන එක.

                 ඒත් පොඩි අවුලක් තියෙනව. ඒ කියන්නෙ අපේ ප්‍රොෆයිල් එකට ආපු ගමන් මුලු කවර් ෆොටෝ එකම පේන්නෙ නෑ. පේන්නෙ තුන්කාලක් වගේ. හරියටම කියනවනම් මුලු කවර් ෆොටෝ එකේ පල්ලෙහා ඉඳන් 229px තමයි පේන්නෙ. Profile picture එකේ උඩ ඉඳන් 114px තමයි පේන්නෙ. ඒක නිසා ඊට වඩා උඩින් දේවල් දැම්මට ඒවා එකපාරම පේන්නෙ නෑ. ඒකත් මතක තියාගන්න.

               තනියෙම ඩිසයින් කරගන්න කැමති අය තනියම ඩිසයින් කරගන්න. ඒත් ඔය ඩයිමෙන්සන් මැනගන්න අමාරු අයට තමා මේ හෙල්ප් එක. මෙන්න මගෙන් ටෙම්ප්ලේට් එකක්. මේකෙන් ලේසියෙන් ඔය මිනුම් කරගන්න පුලුවන් වෙයි.


                අනිත් එක සිංහලෙන් පොටෝසොප් වල ටයිප් කරන හැටි දැනගන්න ඕනනං මගේ පරන ගල්බෝල බලන්න.
               දැන් ඉතිං තියෙන්නෙ හදන්න තමයි. තමුන්ට කැමති වචන පින්තූර දාල මං කියපු දේවලුත් මතක තියාගෙන තමුන්ට ඕන විදියට කවර් පොටෝ එක හදල අප්ලෝඩ් කරගන්න. ලස්සනට හදන්න. හැමවෙලේම අලුත් දෙයක් දාන්න බලන්න.

               මේ තියෙන්නෙ මං හදපු ඒව දෙක තුනක්...


ඒනං මං අදට යනව ඈහ්. බායි...

Read more »

Posted in: ,,,

Thursday, May 31, 2012

පොටෝසොප් හෙළුවෙන් කොටමු

10:00 PM තඩි බොරලු 2 comments

             මේං අද ගල්බෝලෙ. මේක කලින් එකකටත් සම්බන්ධයි. මුල ඉඳන්ම කීල දෙන්නම්. අද කීල දෙන්නෙ පොටෝසොප් හෙලුවෙන් කොටන හැටි. ඈහ්. නරක එකක් නෙමේ හොඳේ. කීවෙ පොටෝසොප් වල සිංහලෙන් ටයිප් කොරන හැටි.
             එදා මං බෝලයක් දැම්මනෙ සිංහලෙන් ටයිප් කොරන හැටි. ලේසි විදිය. අර 3වැනි ක්‍රෝමේ. දැක්කෙ නැද්ද ඒක තාම. සිංහලෙන් ටයිප් කොරන්න දන්නෙ නැත්තන් මේක බලන්නකෝ. මෙන්න මෙතන ක්ලික් කොරන්න.

              හරි. දැන් සිංහලෙන් කොටන එක ගැන පොඩි අවබෝධයක් තීනවනේ. හරි. දැන් කස්ටිය අර කලින් ගල්බෝලෙන් ආසම ක්‍රොමේ මක්කෙයි? මං හිතන්නේ 3 වෙනි එක. නේ.ඒත් පොටෝසොප් වලට ආවම ඔය ක්‍රොමේ අවුලක් තීනවනේ. පොටෝසොප්  හදපු එවුන් නම් අන්තිමයි ඈහ්. මොකද මේකට මොනා මොනා දාල තිබ්බත් යුනිකෝඩ් සපෝට් දාල නෑනෙ. ඒ කීන්නෙ යුනිකෝඩ් වලින් කොටල පොටෝසොප් වලට දැම්මම සමහර වචන නිකන් දෙමළ පරාදයි. සෝ. වට් වී ඩූ ඈහ්???
              විසඳුම් දෙකයි. එක තමා අර කලින් ගල්බෝලෙ මම ලීල තිබ්බ පලවෙනි ක්‍රොමේ යූස් කොරන එක. ඒ කීන්නේ විජේසේකර කීබෝඩ් ක්‍රොමේට සිංහල අයි.එම්.ඊ එක දාල කොටන එක. කෙලින්ම පොටෝසොප් වල. ඒක තමා ගොඩක් ඈයො කොරන්නේ. ඉතිං ඒකට අර පලවෙනි ක්‍රොමේ පුරුදු වෙන්ට වෙනවා.
             ඔන්න එදා 2වැනි 3 වැනි ක්‍රොම වලට පුරුදුවෙච්ච ඈයොන්ට තමා මම මේ දෙවනි ක්‍රොමේ කීල දෙන්නෙ. නැත්තන් මාව මරන් කයි එදා 3වෙනි එක හොඳයි කීල අද පලවෙනි එකෙන් කොටන්න කීවම.
            මේකට මුලින්ම අපි යුනිකෝඩ් කොන්වර්ටරයකින් අපේ සිංහල වචන යුනිකෝඩ් විදියට ගහගන්න ඕන. ඊට පස්සෙ කෝමද මේ යුනිකෝඩ් ටික අර ඉංග්‍රීසි අකුරු ටයිප් එකට හරවගන්නෙ. ඒ කීන්නෙ අර පලවෙනි ක්‍රොමේ භාවිතා කොරන කෙනෙක් ලීන විදියට හරවන්නේ. ඒකට තීනව පොඩි සොප්ට්වෙයා එකක්. යූ.සී.ඇස්.සී එකේ කස්ටිය තමා මේක හදල තීන්නේ. මේ තින්නෙ ලින්කුව.
             හරිද. ඊට පස්සෙ අර යුනිකෝඩ් ටික ඕකෙ උඩ කෑල්ලට දාල නෝමල් ෆොන්ට් එකක් විදියට කොන්වර්ට් කරගන්න. ඊට පස්සෙ ඕනම සිංහල ෆොන්ට් එකක් සිලෙක්ට් කරල මේ ටික දාන්න. එච්චරයි. සිංහල ෆොන්ට් නැද්ද. එහෙනම් මෙන්න.

            අදට බායි. අද මගේ විමලට සනීප නෑ. එයාට ඉක්මනට සනීප වෙන්න කියල මම ප්‍රාර්ථනා කරනවා. ඔයාට බුදුසරණයි විමලා













Read more »

Posted in: ,,,